Միացյալ Նահանգների Կոնգրեսը հաստատել է պաշտպանության համար գրեթե 900 միլիարդ դոլարի հատկացումը։

Դրա մեջ է մտնում նաև Ուկրաինային տրամադրվող օգնությունը։

Ներկայացուցիչների պալատը քվեարկել է 2026 ֆինանսական տարվա ԱՄՆ ռազմական բյուջեի օգտին։

Գրեթե 900 միլիարդ դոլարից 400 միլիոն դոլարը կուղղվի Ուկրաինային տրամադրվող ռազմական օգնությանը՝ USAI ծրագրի շրջանակներում: Այս նախաձեռնությունը չի նախատեսում զենքի ուղղակի մատակարարումներ, այլ պայմանագրեր պաշտպանական ընկերությունների հետ: 

Նախագծի օգտին քվեարկել է 231 կոնգրեսական, դեմ՝ 196-ը: Օրինագիծը պաշտպանել են 17 դեմոկրատ և հանրապետականների մեծ մասը, սակայն իշխող կուսակցությունից չորսը դեմ են արտահայտվել: Փաստաթուղթն ուղարկվել է Սենատ, որտեղ կքննարկվի այլընտրանքային տարբերակը: Հաստատումից հետո վերջնական տեքստը կուղարկվի նախագահ Դոնալդ Թրամփի ստորագրմանը: