Դեղորայքով ինքնաբուժումը կարող է հանգեցնել չափից մեծ դոզայի, հատկապես, երբ այն զուգակցվում է բժշկի կողմից նշանակված բուժման հետ, kp.ru-ին ասել է Սեչենովի համալսարանի դեղագիտության ամբիոնի դոցենտ, կենսաբանության դոկտոր, դեղաբան Սուսաննա Սոլոգովան:
Նա նշել է, որ տնային դեղատներում դեղերի թվի աճին զուգընթաց վերջերս աճել են դեղորայքային թունավորումները, այդ թվում՝ ինքնաբուժման հետևանքով առաջացածները: Մասնագետը զգուշացրել է, որ այս առումով ամենավտանգավորը քնաբերներն են, հանգստացնող միջոցները, հակադեպրեսանտները, որոշ ցավազրկողներ, ջերմիջեցնող միջոցները և սրտի հիվանդությունների դեղամիջոցները:
«Դեղորայքային թունավորումը շատ լուրջ և վտանգավոր վիճակ է: Հետևաբար, դեղորայքի չափից մեծ դոզայի պատճառով թունավորման աննշան կասկածի դեպքում անհրաժեշտ է անհապաղ դիմել բժշկի և զանգահարել շտապօգնություն», - ընդգծել է Սոլոգովան: