Սրտաբան Խոսե Աբելյանը կոչ է արել մարդկանց դատարկ ստամոքսով մթերք չգնել, քանի որ դա վտանգավոր է սրտի համար, հաղորդել է Deia հրատարակությունը։
Աբելյանը սնունդն անվանել է սրտի առողջության հիմք։ «Եթե մարդը դատարկ ստամոքսով է գնում մթերք, ապա ավելի հավանական է, որ ընտրի գերմշակված սնունդ, ինչպես նաև տրանս ճարպերի, շաքարի և աղի բարձր պարունակությամբ սնունդ, որոնք վնասակար են սրտի համար»,- զգուշացրել է բժիշկը։
Սա կանխելու համար, ըստ մասնագետի, կարևոր է պլանավորել շաբաթվա ճաշացանկը։ Շեշտը պետք է դնել մրգերի, բանջարեղենի, լոբազգիների, ձկան և ձիթապտղի յուղի վրա։ Աբելյանը նաև ընդգծել է, որ հավասարակշռված միջերկրածովյան սննդակարգը պաշտպանում է արյան անոթները և իջեցնում խոլեստերինի մակարդակը։