Էնդոկրինոլոգ և բժշկական գիտությունների դոկտոր Զուխրա Պավլովան զգուշացրել է, որ քաղցրավենիքի և ճարպոտ սննդի ավելցուկը բացասաբար է անդրադառնում ուղեղի աշխատանքի վրա, մինչդեռ սովորական ջուրը, ընդհակառակը, դրական ազդեցություն ունի։
«Լենտա»-ին տված հարցազրույցում նա նշել է, որ նույնիսկ բարձրորակ ալկոհոլը, այդ թվում՝ չոր գինիները, բացասաբար են անդրադառնում ուղեղի վրա՝ առաջացնելով բորբոքային ռեակցիա։ Նա նշել է, որ քաղցրավենիքի, ճարպոտ սննդի և այրված կեղևով սննդամթերքի ավելցուկը՝ առաջադեմ գլիկացման վերջնական արգասիքների պատճառով, վնասակար են։
Պավլովան ընդգծել է, որ նիտրատներով մշակված սննդամթերքները, ինչպիսիք են ապխտած միսը և երկար պահպանման ենթակա մթերքները, նույնպես բացասաբար են անդրադառնում ուղեղի աշխատանքի վրա։
Բժիշկը շեշտել է գոլորշու վրա պատրաստված, շոգեխաշած և թխած սննդի, ինչպես նաև բանջարեղենի, մրգերի, հատապտուղների, ընկույզների, հացահատիկների և չափավոր քանակությամբ պատշաճ կերպով եփված կարմիր մսի դրական ազդեցությունը։