Քիչ առաջ ՆԳՆ-ն հաղորդագրություն տարածեց՝ ժամը 14:01-ին ահազանգ է ստացվել, որ Երևանի Մալաթիա տոնավաճառի կոշիկի պահեստում հրդեհ է բռնկվել։
Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային կառավարման ազգային կենտրոնի օպերատիվ խմբերը:
Տոնավաճառից մեզ ասացին, որ նախնական տվյալներով՝ գազի արտահոսք է եղել, ու հրդեհն այդ պատճառով է առաջացել։
«Արդեն հրդեհաշիջման աշխատանքներ են տարվում։ Դրանից հետո կհասկանանք, թե ինչ վնաս ենք կրել»,- ասաց մեր զրուցակիցը։
Նա տեղեկացրեց, որ աշխատանքային ժամերին, սովորաբար, պահեստում ապրանք չի լինում, ուստի վնասներն, ամենայն հավանականությամբ, շատ մեծ չեն լինի։
Նարե Գնունի