Հուլիսի 14-ին արտակարգ դեպք է տեղի ունեցել «Արմավիր» քրեակատարողական հիմնարկում։ Մեզ ասացին՝ դատապարտյալներից մեկը կախվելու միջոցով ինքնասպան է եղել։
ՔԿԾ-ից MediaHub-ին հաստատեցին դեպքը՝ նշելով, որ պատիժ կրող, 1987թ․ ծնված դատապարտյալ Ա․Ս․-ն հայտնաբերվել է խցի պատուհանի ճաղավանդակից սավանով կախված վիճակում։
«Անմիջապես կանչվել է շտապօգնություն, որն արձանագրել է դատապարտյալի կենսաբանական մահը։ Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ»,- ասացին ՔԿԾ-ից։
Մենք տեղեկացանք նաև, որ Ա․Ս-ն 2024 թվականի հունիսից էր դատապարտված, նախկինում երեք անգամ դատապարտված է եղել ու մեկ անգամ էլի է փորձ արել ինքնասպանության։
Վահե Մակարյան