ԵԱՀԿ-ն լուծարել է Մինսկի խումբը
ԵԱՀԿ-ն հայտարարել է Մինսկի գործընթացի և դրան կից կառույցների փակման մասին։ Կազմակերպությունը հիշեցրել է, որ այս որոշումը հաջորդում է 2025-ի օգոստոսի 8-ին Վաշինգտոնում ԱՄՆ նախագահ Դոնալթ Թրամփի ներկայությամբ Հայաստանի վարչապետի և Ադրբեջանի նախագահի ստորագրած հռչակագրին։
Արշակ Սրբազանը չի պատրաստվում դադարեցնել իր ծառայությունը
Արշակ Սրբազանը ասուլիսում հայտարարեց, որ իրեն վերագրվող տեսագրությունները կեղծիք են, և որևէ կերպ չեն կարող ստիպել հրաժարվել իր համոզմունքներից։ Նա նշեց, որ 2020-ից հետո քննադատել է Փաշինյանի քաղաքականությունը, ինչի համար էլ դարձել է թիրախ։
Երևանում օդի որակը վատանում է նոյեմբերից
Քաղաքապետ Տիգրան Ավինյանը հայտարարեց, որ Երևանի օդի որակը վատանում է նոյեմբերի կեսերից և բարելավվում՝ մարտից։
Դեկտեմբերին կընդունվի որոշում, որով կառուցապատողները պարտադիր կտեղադրեն փոշու ճնշիչ սարքեր։
Միքայել և Բագրատ սրբազանները պահանջում են կարգալույծ անել 10 եպիսկոպոսների
Միքայել և Բագրատ սրբազանները կրկին դիմել են Գարեգին Բ-ին՝ պահանջելով կարգալույծ անել «դավաճան» 10 եպիսկոպոսներին։ Նրանք նաև առաջարկում են հրավիրել Եպիսկոպոսաց ժողով և նշանակել նոր առաջնորդներ թեմերում։
Ալիևի օգնականը բողոքել է Ռուսաստանին պատժամիջոցներից խուսափելու հարցում Հայաստանի ցուցաբերած օգնությունից և հրավիրել է ԵՄ-ին դառնալ «Զանգեզուրի միջանցքի» մաս։ «Ադրբեջանը ցանկանում է տեսնել ԵՄ-ն «Զանգեզուրի միջանցքի» մաս, խաղաղությունը պետք է բերի բարգավաճում և զարգացում, ինչպես նաև կառուցի փոխկախվածություն հարևանների միջև: Այս համատեքստում Հայաստանը կարող է փակուղուց վերածվել տարանցիկ երկրի՝ Արևելք-Արևմուտք և Հյուսիս-Հարավ կապերի ընդլայնմանը զուգընթաց», – նշել է Հաջիևը։