Քրոնիկ գաստրիտի, իսկ հետագայում՝ ստամոքսի քաղցկեղի հիմնական ռիսկի գործոնը «Helicobacter pylori» մանրէն է, այս մասին aif.ru-ին տված հարցազրույցում զգուշացրել է գաստրոէնտերոլոգ Սայյար Աբդուլխակովը։

Բժիշկը բացատրել է, որ 1994 թվականին «Helicobacter pylori»-ն ճանաչվել է որպես 1-ին տիպի քաղցկեղածին: Նա ընդգծել է, որ գոյություն չունի լավ Helicobacter: «Միկրոօրգանիզմի նույնիսկ նվազագույն քանակը կարող է վտանգավոր լինել», - նշել է գաստրոէնտերոլոգը։

Աբդուլխակովը նշել է, որ վարակը մանկության շրջանում ամենից հաճախ տեղի է ունենում ծնողների սովորությունների միջոցով, օրինակ՝ երբ մայրը գդալ է կիսում երեխայի հետ կամ լիզում է ծծակը: Նա բացատրել :, որ ստամոքսում հայտնվելուց հետո մանրէները կարող են ի վերջո առաջացնել բորբոքում կամ գաստրիտ, և, ի վերջո, քաղցկեղ։

Գաստրոէնտերոլոգը շեշտել է, որ քաղցկեղը կանխարգելելի է, քանի որ «Helicobacter pylori»-ն բուժվում է հակաբիոտիկներով։ Այնուամենայնիվ, վտանգն այն է, որ մարդիկ հաճախ անտեղյակ են մնում այդ վիճակից, քանի որ յուրաքանչյուր երկրորդ դեպքում գաստրիտը որևէ անհարմարություն չի պատճառում։

Այդ պատճառով բժիշկը հորդորել է 45 տարեկանից փոքր բոլորին հետազոտել ստամոքսը և աղիքները։