Գրեթե ամենօրյա ռեժիմով այսուհետ հավաքվելու ենք այստեղ․ MediaHub-ի հաղորդմամբ՝
Արցախի Վերածննդի հրապարակում հանրահավաքի ժամանակ ասաց Արցախի պետնախարար Գուրգեն Ներսիսյանը, որից հետո բազմահազարանոց ժողովուրդը՝ ԱՀ պետնախարարի հորդորով, երթով շարժվեցին դեպի Կարմիր խաչի միջազգային կոմիտեի Արցախի գրասենյակ, այնտեղից էլ՝ ՌԴ խաղաղապահ ուժերի տեղակայման վայր են գնալու։
«Պետք է հնչեցնենք մեր պահանջը՝ իրական տեղեկատվություն փոխանցելով միջազգային կառույցներին՝ Արցախում ստեղծված իրավիճակի վերաբերյալ, անկեղծ ու առանց ձեւականությունների, ազնվորեն ու առանց Արցախի ժողովրդին ցեղասպանելու գործընթաց սկսած Ադրբեջանի ճնշումներին տուրք տալու։ Այնուհետեւ բոլորս ճանապարհվում ենք Արցախում ՌԴ խաղաղապահ ուժերի տեղակայման վայր, որտեղ մեզ արդեն պատրաստվում են դիմավորել Ասկերանի շրջանի մեր հայրենակիցները։ Ռուս խաղաղապահներին եւս պետք է ներկայացվի հումանիտար աղետը դադարեցնելու պահանջ եւ խնդրանք, որից հետո մեր հանդիպումը կշարունակվի Վերածննդի հրապարակում՝ գրեթե ամենօրյա ռեժիմով»,- հայտարարեց նա։
Մանրամասն՝ տեսանյութում