Պորոշենկոն Զելենսկու գրասենյակին մեղադրել է իշխանությունը զավթելու համար

Ուկրաինայի նախկին նախագահ և «Եվրոպական համերաշխություն» կուսակցության առաջնորդ Պյոտր Պորոշենկոն Վլադիմիր Զելենսկու գրասենյակին մեղադրել է իշխանությունը զավթելու համար։

Նրա խոսքով՝ դա տեղի է ունենում երկրում ռազմական դրության չարաշահման միջոցով։

«Գրասենյակի անսահմանափակ իշխանությունը ձեր, խորհրդարանականների նկատմամբ նվաստացուցիչ է ողջ Ուկրաինայի համար»,- հայտարարել է Պորոշենկոն։

Զելենսկին Գերագույն Ռադա է ներկայացրել «Ուկրաինայում ռազմական դրության ժամկետը երկարացնելու մասին» և «Ընդհանուր զորահավաքի ժամկետը երկարացնելու մասին» օրինագծերը։

Փաստաթղթերի համաձայն՝ ռազմական դրությունը և զորահավաքը կերկարաձգվեն 2025 թվականի մայիսի 9-ից 90 օրով՝ մինչև օգոստոսի 6-ը։