Գերմանիայում կանցլեր Օլաֆ Շոլցի եւ իշխող կոալիցիայի վարկանիշը, դեկտեմբերին կառավարության կազմավորման սկզբից ի վեր, ամենացածր մակարդակին է։ Գերմանացիների 62 տոկոսը, գոհ չէ Շոլցի աշխատանքից, եւ գոհ է միայն 25 տոկոսը գոհ: Այս մասին նշված է, Bild am Sonntag շաբաթաթերթի պատվերով հրապարակված, Insa սոցիոլոգիական ինստիտուտի կողմից անցկացված հարցման մեջ։

Իշխող կոալիցիայի վարկանիշը նույնպես ընկել է ռեկորդային ցածր մակարդակի։ Հարցվածների 65 տոկոսը դժգոհ է դաշնային կառավարության աշխատանքից եւ դրանցի գոհ է միայն 27 տոկոսը։ Մարտի սկզբին Շոլցի աշխատանքը դեռեւս հավանության էր արժանացել գերմանացիների 46 տոկոսի կողմից եւ բացասական արձագանքի՝ 39% տոկոսի կողմից:

Հարցումից հետեւում է, որ կանցլեր Օլաֆ Շոլցն ուղղակի ընտրությունների դեպքում այժմ կզբաղեցներ միայն երրորդ տեղը՝ հավաքելով ձայների 18 տոկոսը։ Առաջին տեղը կզբաղեցներ էկոնոմիկայի նախարար Ռոբերտ Հաբեկը՝ 25 տոկոսով, իսկ երկրորդը՝ Քրիստոնեա-դեմոկրատական ​​միության նախագահ Ֆրիդրիխ Մերցը՝ 19 տոկոսով։

Շաբաթական հարցման արդյունքների համաձայն՝ CDU/CSU քրիստոնեական կուսակցությունների բլոկը փոքր-ինչ ամրապնդել է իր դիրքերը, նրան ներկայումս աջակցում է գերմանացիների 28 տոկոսը։ Սա նշանակում է, որ բլոկն այժմ յոթ տոկոսով առաջ է Կանաչներից, որոնց վարկանիշը մեկ շաբաթվա ընթացքում նվազել է մեկ տոկոսով՝ հասնելով 21-ի։

Սոցիալ-դեմոկրատների վարկանիշը չի փոխվել՝ պահպանելով 19 տոկոս ցուցանիշը, Ազատ դեմոկրատները կորցրել են մեկ տոկոս՝ հասնելով 8-ի։ Սա նշանակում է, որ իշխող կոալիցիայի կուսակցություններն այժմ կստանային ընդամենը 48 տոկոս։ «Այլընտրանք Գերմանիայի համար» եւ Ձախ կուսակցության վարկանիշները չեն փխվել՝ համապատասխանաբար պահպանելով 12 եւ 8 տոկոս ցուցանիշները, հայտնում է Deutsche Welle-ն։