Իսրայելի Ազգային անվտանգության խորհրդի հակաահաբեկչական մարմինը բարձրացրել է Ստամբուլում իսրայելցիների նկատմամբ  ահաբեկչական սպառնալիքի մակարդակը չորրորդ՝ ամենաբարձր մակարդակի. ասվում է հայտարարության մեջ:

Ազգային անվտանգության խորհուրդը Ստամբուլում գտնվող իսրայելցիներին հորդորում է առաջին իսկ հնարավորության դեպքում լքել քաղաքը, իսկ իսրայելցիներին, ովքեր ծրագրում են ուղևորություն Թուրքիա, դա չանել մինչև հետագա ծանուցումը:

Ավելի վաղ Իսրայելի արտգործնախարար Յաիր Լապիդը Ստամբուլում իսրայելցիների վրա Իրանի հարձակումների փորձերի ֆոնին քաղաքացիներին կոչ էր արել զերծ մնալ Ստամբուլ և ընդհանրապես Թուրքիա թռիչքներից, եթե դա կենսական նշանակություն չունի: