Ստեփանակերտ-Բերձոր-Գորիս մայրուղին բաց է երթևեկության համար, ճանապարհին տեղակայված են ռուս խաղաղապահները, ճանապարհը ռուս խաղաղապահների վերահսկողության տակ է։ Այս մասին հայտնում են MedaiaHub.am-ի արցախյան աղբյուրները։
«Այո, Բերձորում, Աղավնոյում ադբեջանական զորամիավորրումներ կան, արդեն երկու օր է ելումուտ են անում, սակրավորների խմբեր էլ կան, բայց Ալիևը որոշել է կնոջ ծննդյան օրը հրապարակել այդ մասին։ Կրկնում եմ՝ ճանապարհը գտնվում է ռուսների վերահսկաոության տակ»,-նշեցին Արցախից։
Հիշեցնենք, որ Արցախի Հանրապետության տարածքային կառավարման և ենթակառուցվածքների նախարար Հայկ Խանումյանը նշել էր, որ Բերձորի միջանցքի նոր երթուղին կգործարկվի ընթացիկ տարվա սեպտեմբերի առաջին շաբաթվա ընթացքում, մինչ այդ կգործի Ստեփանակերտ-Բերձոր-Գորիս մայրուղին: Այլընտրանքային երթուղին կգործի դեպի հարավ տեղափոխվող նոր միջանցքում: Նոր ճանապարհով երթևեկությունը կսկսվի ռուսական խաղաղապահ զորակազմի բոլոր բլոկ-պոստերի տեղակայումից հետո:
Անի Գևորգյան