Իսպանիայի Մադրիդ նահանգի Ֆուենլաբրադայի մունիցիպալիտետում տեղի ունեցած հրաձգության հետևանքով մեկ մարդ է զոհվել, ևս երեքը վիրավորվել են. հայտնում է Telemadrid-ը։

Ինչպես նշվում է, փոխհրաձգությունը տեղի է ունեցել երկուշաբթի տեղական ժամանակով 06:15-ին:

Հեռուստաալիքի տվյալներով՝ մահացած տղամարդը 21 տարեկան է, նա վիրավորվել է գլխից։ Տուժածներից մեկը՝ 31-ամյա տղամարդը, հրազենային վնասվածքով տեղափոխվել է հիվանդանոց։

Հարձակվողներին հաջողվել է փախչել հանցագործության վայրից։