Ես հիմա բանակում գործող սպա եմ, քաղաքականությամբ չեմ զբաղվում։ Այս մասին այսօր MediaHub.am-ի հետ զրույցում ասաց հրամանատար, «Արցախի հերոս» Կարեն Ջալավյանը (Քյոխ)՝ չպատասխանելով Արցախում տիրող իրավիճակի, անվտանգությանը վերաբերող հարցերին։ 

«Ուրիշ անգամ, երբ բանակում չլինեմ, այդ ժամանակ կխոսենք»,-ասաց նա։ 

Հարցին՝ հնարավո՞ր է, որ Ջալավյանը բանակում չլինի, վերջինս արձագանքեց՝ դե, չգիտեմ. «Որոշել եմ չխոսել, չեմ խոսում»։ 

Նշենք, որ Կարեն Ջալավյանը միակ սպան չէ, որ վերջին շրջանում նախընտրում է լռել։ Թե որն է զինվորականների այս դիրքորոշման պատճառը դժվար չէ կռահել․ իշխանության դեմ խոսող սպաները, ինչպես նախորդ օրինակներն են փաստում, հեռացվում են ԶՈՒ-ից և նրանց նկատմամբ քրեական հետապնդում է սկսվում։ 

Լիաննա Թորոսյան