Մասնագետն անվանել է մի մթերք, որը կարևոր է ներմուծել սննդակարգ

Կենսաբան Իրինա Լյալինան անվանել է մի մթերք, որը պետք է ներմուծել նրանց սննդակարգ, ովքեր վերահսկում են իրենց առողջությունն ու կազմվածքը։

Մասնագետի խոսքով՝ այն պարունակում է մեծ քանակությամբ օգտակար նյութեր ու վիտամիններ։

Իրինա Լյալինան նշել է, որ թույլ աղած վարունգը վիտամինների և հանքանյութերի հիանալի աղբյուր է:

«Նիտրատներից և թունաքիմիկատներից խուսափելու համար նպատակահարմար է տնական վարունգից պատրաստել թեթև աղած վարունգ: Նրանք ունեն մի շարք օգտակար հատկություններ, բայց ունեն նաև որոշ պոտենցիալ թերություններ: Ինչպես թարմ, թեթև աղած վարունգը պարունակում է վիտամիններ (A, B, C, K) և հանքանյութեր (մագնեզիում, կալիում, մանգան), որոնք կարևոր են առողջության պահպանման համար»,- պարզաբանել է Լյալինան։

Թեթև աղած վարունգը կարող է հիանալի հավելում լինել ձեր սննդակարգում, քանի որ դրանք ցածր կալորիականությամբ են և հարմար են նրանց քաշին հետևողների համար: Բացի այդ, այս մթերքը հարուստ է սննդային մանրաթելով, որն օգնում է բարելավել մարսողություն ու կանխել փորկապությունը:

Թեթև աղած վարունգը ջրի բարձր պարունակության շնորհիվ օգնում է օրգանիզմում պահպանել ջրի հավասարակշռությունը, հատկապես շոգ եղանակին, լրացնելով հեղուկի և էլեկտրոլիտների կորուստները, գրել է NEWS.ru-ն։