Բժիշկը բացատրել է, թե ինչ կլինի կնոջ օրգանիզմի հետ, եթե նա ամեն օր սեխ ուտի

Սննդաբան և մանկաբույժ Եկատերինա Լավրովան ՌԻԱ Նովոստիի հետ զրույցում բացատրել է, թե ինչու կանայք, հակացուցումների բացակայության դեպքում, պարտադիր պետք է սեխը ներառեն իրենց ամառային սննդակարգում։

Փորձագետը նշել է, որ այս սիրված պտուղը պարունակում է մեծ քանակությամբ վիտամին C (օրական պահանջի մոտ 30%-ը), բետա-կարոտին և վիտամին A (յուրաքանչյուրը 10%-ը)։ Պտղի միջուկում կան նաև.

B վիտամիններ - B1, B2, B5, B6, B9;
վիտամին E;
վիտամին K;
վիտամին PP;
խոլին (վիտամին B4):

Հանքային բաղադրությունը չի զիջում վիտամինային կազմին և ցույց է տալիս բոլոր հիմնական միկրոտարրերի պարունակությունը՝ բացառությամբ բրոմի և մոլիբդենի։ Միաժամանակ առկա է սիլիցիումի բարձր կոնցենտրացիան (օրական նորմայի գրեթե 300%-ը)։

Եկատերինա Լավրովայի խոսքով, սեխի յուրաքանչյուր տարր բարենպաստ ազդեցություն ունի կնոջ առողջության վրա.

1. Երկաթը (100 գրամ սեխը պարունակում է մեկ գրամ երկաթ) կարևոր է ոչ միայն անեմիայի կանխարգելման համար։ Ներկայումս ուսումնասիրվում է այս միկրոտարրի մասնակցությունը հղիության պլանավորմանը և նյութափոխանակությանը: Այն նաև մասնակցում է էպիդերմիսի, մազերի և եղունգների աճին և ամբողջականությանը:

2. Մագնեզիումը աջակցում է մկանների և նյարդային համակարգի նորմալ աշխատանքին, կայուն սրտի բաբախյունին, առողջ իմունային համակարգին, ամուր ոսկորներին և օգնում է կարգավորել արյան գլյուկոզի մակարդակը և նորմալ արյան ճնշումը:

3. Ցինկը պաշտպանում է օրգանիզմը տոքսիններից և օտար նյութերից՝ կանխելով բորբոքումները և խթանում է իմունային համակարգը: Ցինկը նաև օգնում է արյան մակարդմանը, համի ընկալմանը և պահպանում է արյան շաքարի կայուն մակարդակը, վերահսկում է ճարպագեղձերի աշխատանքը:

4. Սելենը մեծացնում է ցողունային բջիջների ակտիվությունը, պահպանում է մաշկի առաձգականությունը՝ դանդաղեցնելով ծերացումը։ 

5. Կալցիումն ու ֆոսֆորը վիտամին D-ի հետ միասին կանխում են ոսկրերի փափկացումը, ինչպես նաև պատասխանատու են մկանների կծկման և տոնուսի համար:

6. Վիտամին E-ն ունի հակաօքսիդանտ հատկություն և կարևոր է դաշտանային ցիկլի կարգավորման համար:

7. Վիտամին A-ն և բետա-կրոտինը պաշտպանում են բջիջները վնասից, կանխում վաղաժամ ծերացումը, բարելավում են մաշկի և մազերի վիճակը և տեսողությունը: