Վրաստանում այսօր ՏԻՄ ընտրություններ են անցկացվում։
«Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլին քվեարկել է Թբիլիսիում:
Իվանիշվիլին ընտրատեղամաս է եկել իր ընտանիքի հետ։
«Այսօր Վրաստանի ժամանակակից պատմության մեջ ևս մեկ կարևոր օր է։ «Վրացական երազանքը» հասարակությանը հնարավորություն տվեց ազատ ընտրություն կատարելու։ 13 տարվա կառավարման ընթացքում մեր կուսակցությունը տպավորիչ արդյունքների է հասել բոլոր ոլորտներում։ Մեր ամենամեծ նվաճումն այն է, որ մենք և հասարակությունը սովորել ենք օբյեկտիվորեն վերլուծել և տարբերակել սևն ու սպիտակը», - ասել է Իվանիշվիլին։
Ընտրություններին գրանցվել է 12 կուսակցություն: