ՆԱՏՕ-ն արդեն մի քանի տարի փորձում է ամրապնդել իր դիրքերը Հարավային Կովկասում, հայտարարել է Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան։
Ըստ Զախարովայի՝ նպատակն է կոլեկտիվ Արևմուտքի շահերից ելնելով` օգտագործել տարածաշրջանի երկրների ներուժն ու ռեսուրսները, և որ դաշինքին հետխորհրդային տարածքում իրավահավասար հարաբերություններ պետք չեն։
«Նրանք պետք է ռեսուրսներ վերցնեն և վարվեն ինչպես տիպիկ գաղութարարներ, իմպերիալիստներ։ Մենք հույս ունենք, որ տարածաշրջանի երկրները, այդ թվում՝ Հայաստանը և Ադրբեջանը, գիտակցում են իրավիճակի վատթարացման ռիսկերը։ Բոլորը գիտեն, թե ինչով է սա ավարտվում»։