Ինչպե՞ս է սուրճի քանակն ազդում երակների առողջության վրա
Սուրճը թմրանյութ չէ, սակայն դրա մշտական օգտագործումը կարող է կախվածություն առաջացնել, և անուշաբույր ըմպելիքի մեկ-երկու բաժակն այլևս չի օգնի ձեզ թարմանալ առավոտյան: Մինչդեռ առողջ մարդու համար կոֆեինի օրական անվտանգ չափաբաժինը կազմում է ընդամենը 250-300 մգ (սա ոչ ավելի, քան երկու բաժակ). ասել է վիրաբույժ Ալեքսանդր Ումնովը։
Նրա խոսքով՝ սուրճի չափից ավելի օգտագործումը մեծացնում է հեղուկի արտահոսքը օրգանիզմից, ինչը կարող է հանգեցնել ջրազրկման, կալցիումի և մագնեզիումի կորստի, ինչը վնասակար ազդեցություն է ունենում սրտանոթային և նյարդային համակարգերի վրա:
Սուրճի երկարատև և մշտական օգտագործման դեպքում այտուցներ կարող է առաջանալ ոտքերում այն պատճառով, որ փոխվում է երակների տոնայնությունը, խանգարվում է հեղուկի արտահոսքը՝ այն պահպանվում է հյուսվածքներում, հետևաբար՝ այտուցի հավանականությունը փոքրանում է: Երակներում արյան կուտակման պատճառով հնարավոր է նաեւ երակների վարիկոզ զարգացում։ Իսկ հղիների մոտ կազդուրիչ ըմպելիքի մշտական օգտագործումը կարող է նույնիսկ վիժում առաջացնել։
