Ռուսաստանը ցուցադրում է հակամարտությունը կարգավորելու իր պատրաստակամությունը․ Թրամփ
Դոնալդ Թրամփը հայտարարել է, որ Ռուսաստանը պատրաստ է խաղաղության համաձայնագիր կնքել Ուկրաինայի հարցով։
ԱՄՆ նախագահը գլխավոր խոչընդոտ է անվանել Վլադիմիր Զելենսկու դիրքորոշումը։
«Ռուսաստանը ցուցադրում է հակամարտությունը կարգավորելու իր պատրաստակամությունը»,- ասել է Դոնալդ Թրամփը։ Խնդիրն այժմ, ըստ ԱՄՆ նախագահի, Ուկրաինայի նախագահ Վլադիմիր Զելենսկին է։
«Կարծում եմ՝ Ռուսաստանը պատրաստ է։ Կարծում եմ՝ մենք գործարք ունենք Ռուսաստանի հետ։ Մենք պետք է համաձայնության գանք Զելենսկու հետ», - ասել է Թրամփը Սպիտակ տանը լրագրողների հետ զրույցի ժամանակ։
«Ես կարծում էի, որ Զելենսկու հետ ավելի հեշտ կլինի», - նշել է նախագահը: «Այս պահին մի փոքր ավելի դժվար է, բայց դա նորմալ է»:
«Կարծում եմ, որ մենք կարող ենք համաձայնության գալ երկուսի հետ էլ: Հուսով եմ, որ դա կստացվի», - հավելել է Թրամփը:
Թրամփը ծրագրում է մայիսի 13-ից 16-ը այցելել Սաուդյան Արաբիա, Քաթար և ԱՄԷ: Կրեմլի խոսնակ Դմիտրի Պեսկովն ավելի վաղ հաստատել է, որ «արդյունավետ հանդիպման» նախապատրաստական աշխատանքներն ընթանում են:
