Սրտի, ուղեղի և հոդերի համար․ ինչու պետք է այս ենթամթերքները ներառել սննդակարգում
Արդյո՞ք ենթամթերքն այնքան առողջարար է, ինչպես ասում են: Իսկ դրանցից քանի՞սն է պետք շաբաթական ուտել՝ գոնե որոշակի ազդեցություն ունենալու համար: Այս հարցերի պատասխանը տվել է բժիշկ Սերգեյ Ագապկինը «Ռոսիա 1» ալիքի «Սննդի բանաձեւ» հաղորդաշարի եթերում։
Բժշկի խոսքով՝ ենթամթերքի մեջ պարունակվող ամենաարժեքավոր տարրերից մեկը վիտամին B12-ն է։ Նրա ամենահարուստ աղբյուրը լյարդն է։ Այս վիտամինի ամենօրյա պահանջը պարունակում է նաև սրտերում և ստամոքսում։
Վիտամին B12-ն օգնում է չեզոքացնել հոմոցիստեին ամինաթթունը, որը կարող է վնասել արյան անոթների պատերը և նպաստել խոլեստերինի սալերի ձևավորմանը:
Բացի այդ, ենթամթերքը պարունակում է նաև սելեն՝ հզոր հակաօքսիդանտ, որը պաշտպանում է մարմնի բջիջները վնասից և կարող է նվազեցնել քաղցկեղի առաջացման վտանգը:
Օրգանիզմում երկաթի նորմալ մակարդակը պահպանելու համար, որն անհրաժեշտ է հեմոգլոբինի ձևավորման համար, արժե սննդակարգում ներառել թռչունների լյարդը և ստամոքսը։
Այս մթերքներից ստացված երկաթը նպաստում է թթվածնի արդյունավետ փոխադրմանը ողջ մարմնով՝ բարձրացնելով ընդհանուր աշխատունակությունը և տոկունությունը:
Առողջության համար պակաս օգտակար չեն կոլագենն ու ամինաթթուները, որոնք պարունակվում են ենթամթերքի մեջ։ II տիպի կոլագենը, որն անհրաժեշտ է առողջ հոդերի պահպանման համար, կարելի է գտնել ասպիկում:
Շաբաթական 100–200 գրամ ենթամթերքի կանոնավոր օգտագործումը կարող է դրական ազդեցություն ունենալ սրտի, ուղեղի և հոդերի աշխատանքի վրա։ Այնուամենայնիվ, ենթամթերք ընտրելիս պետք է ուշադրություն դարձնել փաթեթավորման վրա սառցե բյուրեղների առկայությանը, քանի որ դա կարող է վկայել կրկին սառեցնելու մասին: Սխալ սառեցված արտադրանքը կարող է վտանգավոր լինել ձեր առողջության համար:
