Գերմանիայում կյանքի տեւողությունը 2019-2021թթ․ զգալիորեն նվազել է, ինչը կապված է կորոնավիրուսային համավարակի ժամանակ մահերի անսովոր մեծ թվի հետ, տեղեկացնում է AP-ը:

Դաշնային վիճակագրական ծառայությունը հայտնել է, որ նորածին աղջիկների կյանքի տեւողության ակնկալիքը անցյալ տարի կազմել է 83,2 տարի, իսկ տղաներինը՝ 78,2 տարի։ Սա 0,4 եւ 0,6 տարով պակաս է, քան 2019 թվականին։

«Այսպիսի զարգացման հիմնական պատճառը COVID-19-ի ալիքների ընթացքում մահացության անսովոր բարձր ցուցանիշներն են»,- ասվում է գործակալության հաղորդագրությունում։

Գերմանիայի բնակչության մեջ տարեցների համամասնության աճը հանգեցրել է վերջին 20 տարիների ընթացքում մահացությունների թվի աճի սպասելիքների, սակայն կյանքի սպասելի տեւողությունը աճել է մինչ համավարակը, ասել են նախարարությունում:

Մինչեւ COVID-19-ի հայտնվելը մահացության ցուցանիշներն աճում էին տարեկան միջինը 1-2 տոկոսով, սակայն վիճակագրությունը ցույց է տվել, որ 2020 թվականին մահացության դեպքերը 5 տոկոսով ավելի են եղել, իսկ անցյալ տարի՝ եւս 4 տոկոսով ավելի:

Վիճակագրական գրասենյակը հայտնել է, որ երկու տարվա ընթացքում գրանցվել է կորոնավիրուսի հետեւանքով մահացության գրեթե 115 000 դեպք, մինչդեռ համավարակի նախազգուշական միջոցները կարող էին նվազեցնել այլ հիվանդություններից մահերը: Գերմանիայի բնակչությունը 83 միլիոն է կազմում։