560 միլիոն տարեկան արարածի բրածոն, որն, ըստ հետազոտողների, առաջին գիշատիչ կենդանին է, բրիտանացի բնագետ եւ հեռուստահաղորդավար Դեւիդ Աթենբորոյի անունով է կոչվել, հայտնում է AP-ը։

Գիտնականները հայտարարել են, որ նմուշը, որը կոչվում է Auroralumina attenboroughii, կմախք ունեցող ամենավաղ հայտնի էակն է: Նրանց խոսքով՝ նա պատկանում է այն խմբին, որի մեջ ներառված են մարջանները, մեդուզաները եւ անեմոնները։

Բրածոն հայտնաբերվել է Չարնվուդի անտառում՝ կենտրոնական Անգլիայում Լեսթերի մոտ, որտեղ Աթենբորոն բրածոներ է որոնել:

96-ամյա Աթենբորոն ասել է, որ ինքն «իսկապես հիացած է»: