Ֆրանսիայում խանութների սեփականատերերը հարյուրավոր եվրոյի կտուգանվեն օդորակիչը բաց դռներով օգտագործելու կամ գիշերվա ընթացքում ցուցանակները վառած թողնելու համար՝ համաձայն այս ձմռանը էներգիայի սպառումը նորմավորելու պլանների, գրում է The Telegraph-ը:

Էներգետիկայի նախարար Անյես Պանյե-Ռունաշեն ներկայացրել է առաջարկներ՝ որպես էներգիայի սպառումը նվազեցնելու համար ձեռնարկությունների դեմ պայքարի մաս՝ այն մտավախությունների պատճառով, որ Ռուսաստանը կդադարեցնի գազամատակարարումը մայրցամաքին:

Մանրածախ առեւտրով զբաղվողները, որոնք չեն փակի դուռը օդորակիչից օգտվելիս, կտուգանվեն 750 եվրոյի չափով, իսկ առավոտյան ժամը 1-ից մինչեւ առավոտյան ժամը 6-ը լուսավորված ցուցանակների օգտագործման համար կտուգանքը 1500 եվրոյի կհասնի։

Այս միջոցները Ռուսաստանից կախվածությունը նվազեցնելու ֆրանսիական «էներգետիկ սթափության ծրագրի» մաս են կազմում։ Նախագահ Էմանուել Մակրոնը ցանկանում է մինչեւ 2024 թվականը 10 տոկոսով նվազեցնել էներգիայի սպառումը։

Le Journal du Dimanche-ին տված հարցազրույցում Պանյե-Ռունաշեն ասել է, որ հրահանգները, որոնք ստիպում են մարդկանց աշխատել տնից եւ 10 կմ/ժ ավելի դանդաղ վարել, չեն պարտադրվի:

Վառելիքը խնայելու համար տնից աշխատելը «քննարկման փուլում գտնվող թեմա է»,- ասել է Պանյե-Ռունաշեն: