Նիկոլ Փաշինյանն այսօրվա ասուլիսի ընթացքում պատասխանեց հարցին, թե Հայաստանի համար ընդունելի՞ է, արդյոք, «ԼՂ հայերի անվտանգություն և իրավունքներ, որոնք կհամապատասխանեն Արդբեջանի սահմանադրությանը» եզրույթով փաստաթուղթ ունենալը։
Նրա խոսքով՝ Հայաստանն ու Ադրբեջանը Պրահայում պայմանավորվել են, որ ճանաչում են միմյանց տարածքային ամբողջականությունը։
«Ինչո՞ւ ենք մենք ճանաչում Ադրբեջանի տարածքային ամբողջականությունը, քանի որ հակառակ դեպքում Ադրբեջանն էլ չէր ճանաչի մեր տարածքային ամբողջականությունը։ Բայց Ադրբեջանը փորձում է այլ դռնով քայլեր անել, որ չճանաչի մեր տարածքային ամբողջականությունը։ Ինչ վերաբերում է ԼՂ վերաբերյալ մեր դիրքորոշմանը, ապա մենք այն արտահայտել ենք, որ ԼՂ ժողովրդի անվտանգության և իրավունքների հարցը պետք է հասցեագրվի ԼՂ-ին, և հարցը պետք է դիտարկվի Բաքու-Ստեփանակերտ հարթության մեջ։ Այս ձևակերպումները տալիս են բոլոր հնարավորությունները, որ մենք հասցեագրենք ՀՀ ազգային շահերն ու ԼՂ ժողովրդի անվտանգության ու իրավունքների հարցերը»,- ասաց Նիկոլ Փաշինյանը։
Մանրամասները՝ տեսանյութում։