Ի՞նչ վնասներ են կրել բնակավայրերը Ադրբեջանի ագրեսիայի հետևանքով․ ԱԻՆ նախարար
Բավականին մեծ ցանկ ունենք․ Ադրբեջանի ագրեսիայի հետևանքով Վայոց ձորում տուժել են հյուրատներ, առողջարան, ջրամբարներ` Կեչուտի ջրամբարում 2 արկ է ընկել, ճոպանուղի, փրկարար ծառայության հրշեջ փրկարարական ջոկատի շենքը և մարդկանց մեքենաներ, այլ գույքեր։ Սյունիքի մարզում Սիսիան համայնքի Վաղատին, Որոտանավան, Շամաբ, Դարբաս, Գետաթաղ, Լոր, Լեռաշեն, Դաստակերտ բնակավայրերը սպասարկող էլեկտրամատակարարման գիծն է խափանվել։
Այս մասին այսօր Կառավարության նիստի ընթացքում ասաց ԱԻՆ նախարար Արմեն Փամբուխչյանը։
Նախարարը նշեց, որ Գեղարքունիքի մարզում վնասվել են բնակիչների տները, հեկտարներով ցորենի, գարու արտեր, ինչպես նաև Սոթքում 55-60 տուն է վնասվել, անասնագոմեր, գազամատակարարման խողովակներ են վնասվել, մասնավոր մեքենաներ։
Մանրամասները՝ տեսանյութում
