Ո՞ր մթերքներն են վնասակար երիկամների համար
Որոշ առողջ բուսական մթերքներ պարունակում են օքսալատ նյութեր, որոնք կարող են վնասել երիկամների առողջությանը, այս մասին հարցազրույցում զգուշացրել է ուրոլոգ և անդրոլոգ Ալեքսանդր Բորշևեցկին. փոխանցում է MedicForum-ը։
Մեծ քանակությամբ բուսական սննդի օգտագործումը կարող է վնասակար լինել երիկամների համար:
«Թրթնջուկի, ճակնդեղի, սպանախի, խավարծիլների, սնկերի, ելակի, տանձի, փշահաղարջի, լոբիի չափից ավելի օգտագործումը դրանցում պարունակվող օքսալատների պատճառով կարող է հանգեցնել միզաքարային հիվանդությունների զարգացմանը», - նշել է Բորշևեցկին Gazeta.Ru-ի հետ զրույցում:
Բացի այդ, ուրոլոգի խոսքով, երիկամներում ուրատային քարերի առաջացմանը կարող է նպաստել սոյայի և սոյայի հիմքով մթերքների, ինչպես նաև լոռամրգի և լինգոնի օգտագործումը։ Բորշևեցկին նաև զգուշացրել է վաղաժամ ձմերուկի, ջերմոցային լոլիկի և վարունգի մեջ պարունակվող քիմիական նյութերի մասին։ Այս նյութերն օգնում են բույսերին ավելի արագ հասունանալ: Փորձագետը պարզաբանել է, որ դրանք պարունակող մթերքների հաճախակի օգտագործումը կարող է վնասակար լինել առողջությանը։
Թվարկելով երիկամների համար վնասակար մթերքները՝ փորձագետը կենտրոնացել է մեծ քանակությամբ աղ օգտագործելու անթույլատրելիության վրա։
