ԱՄՆ Պետդեպարտամենտը հաստատել է «Standard Missile 6 Block I» (SM-6) և «Standard Missile 2 Block IIIC» (SM-2) հրթիռների և դրանց հետ կապված սարքավորումների հնարավոր վաճառքը Գերմանիային մոտավորապես

Վաճառքը կկազմի 3.5 միլիարդ դոլար, հայտարարել է ԱՄՆ պատերազմի նախարարության մամուլի ծառայությունը։

Գերմանիայի կառավարությունը խնդրել է Միացյալ Նահանգներին մատակարարել 173 SM-6 և 577 SM-2 հրթիռներ, ինչպես նաև դրանց հետ կապված սարքավորումներ և աջակցության ծառայություններ։ Պատվերը ներառում է արձակման տարաներ, պահեստամասեր, տեխնիկական փաստաթղթեր և լոգիստիկ ծառայություններ։

«Առաջարկվող վաճառքը կնպաստի Միացյալ Նահանգների արտաքին քաղաքականության և ազգային անվտանգության նպատակներին՝ ամրապնդելով ՆԱՏՕ-ի դաշնակցի անվտանգությունը», - հայտարարել է Պենտագոնը։ Պենտագոնը ընդգծել է, որ վաճառքը չի փոխի Եվրոպայում ռազմական հիմնարար հավասարակշռությունը։ «RTX Corporation»-ը, որի մեջ է մտնում նաև Raytheon-ը, կլինի հիմնական կապալառուն։