ինչպե՞ս է դա տեսնում ՀՀ վարչապետ Նիկոլ Փաշինյանը․ Զախարովա
Ինչ վերաբերում է նրան, թե ինչպես է Մոսկվան տեսնում Լեռնային Ղարաբաղի բնակիչների հնարավոր վերադարձը իրենց տներ, կարելի է հարցնել՝ ինչպե՞ս է դա տեսնում ՀՀ վարչապետ Նիկոլ Փաշինյանը, ունի՞ որևէ ծրագիր։ Մամուլի ասուլիսին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ադրբեջանն ունի նման ծրագիր, հրապարակել է այն, Ղարաբաղի հայ բնակչության վերադարձի առաջարկների վերաբերյալ։ Ինչո՞ւ եք մեկ այլ պետության ներկայացուցչին հարցնում, թե ինչպես է դա տեսնում»,- նշել է Զախարովան։
Նրա խոսքով՝ Ռուսաստանը ելնում է նրանից, որ 2020-2022 թվականների եռակողմ համաձայնագրերին այլընտրանք չկա, և որ եռակողմ համաձայնագրերը կասկածի տակ դնելու փորձերը վտանգավոր են։
