Ադրբեջանական լեյբլի երգիչ Անդրոյի համերգը Երևանում չեղարկվել է:
MediaHub-ը օրերս գրել էր, որ վերջին օրերին բուռն քննարկումներ էին ընթանում ադրբեջանական լեյբլի երգիչ Անդրոյի երևանյան համերգի շուրջ, որը պետք է տեղի ունենար օգոստոսի 30-ին։
Օգտատերերը հայտնում էին իրենց վրդովմունքը, քանի որ համերգից ստացված հոնորարն ուղղվելու էր լեյբլի ազգությամբ ադրբեջանցի երգիչ Էլմանին, ով 2020թ-ից սկսած ծավալում է հակահայկական գործունեություն և անգամ իր լեյբլի աստղերը ելույթ են ունեցել Քարվաճառում ադրբեջանցի զինվորների համար։
Այսօր Stagemuse-ը հայտարարություն տարածեց, որի մեջ ասվում է համերգի չեղարկման մասին։ Հայտարարության մեջ նաև նշված է, որ գնված տոմսերի գումարը կվերադարձնեն։
Այս փաստը զայրացրել է Անդրոյին, այն աստիճան, որ նա անգամ իր Ինստագրամում վիրավորել է հայ օգտատերերին: Նա, մասնավորապես, գրել է․
«Վիրավորական է, որ մի խումբ տխմարների պատճառով մեզ արգելում են կիսվել սիրով, երաժշտությամբ, զգացմունքով, միասնությամբ։
Շատ զայրացած եմ»,- գրել է նա։
