Մթերքներ, որոնք կօգնեն տաքանալ ցուրտ եղանակին
Ցուրտ եղանակին արժե սննդակարգում ավելացնել մսային ուտեստներ ու բարդ ածխաջրեր, օրինակ՝ շիլա, քանի որ դրանք կհագեցնեն օրգանիզմն էներգիայով ու կօգնեն ձեզ տաքանել։ Այս մասին «Մոսկվա 24»-ին ասել է դիետոլոգ եւ սննդաբան Եվգենի Արզամասցեւը։
Նրա խոսքով՝ ջերմության արտադրությանը կնպաստեն նաեւ տաք համեմունքները, ինչը կարագացնի նյութափոխանակությունը։ Մասնագետը խորհուրդ է տալիս խմել նաև տաք ըմպելիքներ։ Սակայն նա ընդգծել է, որ դրանք չպետք է այրող լինեն։
«Շատ տաք սնունդն ու խմիչքները կարող են մեծացնել աղեստամոքսային տրակտի հետ կապված խնդիրների վտանգն ու վատթարացնել առկա խնդիրները: Օրինակ, եթե առկա են գաստրոէզոֆագեալ ռեֆլյուքսային հիվանդություն, գաստրիտ, խոց, նման սնունդ ուտելուց հետո վիճակը կվատթարանա»,- զգուշացրել է Արզամասցևը։
Բացի այդ, բժիշկը խորհուրդ չի տալիս տաքանալու համար ալկոհոլ խմել, քանի որ դա կարող է նույնիսկ հանգեցնել հիպոթերմային։
