Դա superfood է. ինչու՞ պետք է անպայման դդումն ավելացնել ձեր սննդակարգում
Սննդաբանները կարծում են, որ աշնանային սեզոնին սննդակարգում պետք է ավելացնել դդումը։
Դդումը իսկական սուպերմթերք է, որը պարունակում է հսկայական քանակությամբ վիտամիններ, հանքանյութեր և հակաօքսիդանտներ: Այն հարուստ է վիտամին A-ով, որն օգնում է բարելավել տեսողությունը, և այս սննդանյութը նաև բարենպաստ ազդեցություն է ունենում մաշկի, մազերի և եղունգների վրա: Վիտամին A-ի պակասը կարող է հանգեցնել մաշկի շերտավորման, փխրուն մազերի և եղունգների: Դդումը պարունակում է մեծ քանակությամբ C և E վիտամիններ, որոնք ամրացնում են իմունային համակարգը, նշում են սննդաբանները։
Դդումը պարունակում է բջջանյութ, որը նպաստում է առողջ մարսողությանը և օգնում պահպանել արյան շաքարի նորմալ մակարդակը:
Դդումը չի կորցնում իր օգուտը նույնիսկ ջերմային մշակման ժամանակ։ Աշնանը հատկապես կարևոր է ապահովել սննդանյութերի բավարար ընդունում, որոնք օգնում են ամրապնդել իմունային համակարգը:
Մասնագետները նաև նշում են, որ դդումն ինքնին բավականին քաղցր է։ Ուստի դրանից տարբեր աղանդեր պատրաստելիս կարելի է առանց շաքարավազ ավելացնելու։
Դդումը օրգանիզմը մաքրելու բնական միջոց է։ Այն օգնում է հեռացնել ավելորդ հեղուկը և օգնում է ազատվել այտուցներից։ Դդումը լավացնում է նաև մարսողությունը։
«Դդումն ունի շաքարի բարձր պարունակություն, ինչը բավականին վտանգավոր է շաքարային դիաբետով հիվանդների համար։ Պետք է զգույշ լինեն նաև նրանք, ովքեր ալերգիկ են դդմի ընտանիքի արտադրանքից կամ նրանք, ովքեր տառապում են աղեստամոքսային տրակտի հիվանդություններից, ինչպիսիք են գաստրիտը և խոցը, կարծում են մասնագետները։
Ուստի աշնանային սննդակարգում անհրաժեշտ է ներառել դդումը, բայց չափավոր՝ առողջական բացասական հետեւանքներից խուսափելու համար։
