Եվրոպայի գավաթ. Արթուր Բազեյանը՝ բրոնզե մեդալակիր
Չեռնոգորիայի Բուդվա քաղաքում անցկացվող բռնցքամարտի Եվրոպայի գավաթի խաղարկությունում Հայաստանի ներկայացուցիչ Արթուր Բազեյանը (57կգ) չհաղթահարեց կիսաեզրափակիչի արգելքը: Եվրոպայի բրոնզե մեդալակիրը մենամարտեց Իսպանիան ներկայացնող Գաբրիել Էսկոբարի հետ եւ պարտվեց 0:5 հաշվով՝ բավարարվելով բրոնզե մեդալով:
Բազեյանը Եվրոպայի գավաթի խաղարկությունում պայքարը սկսել էր քառորդ եզրափակիչից, որտեղ 5:0 հաշվով հաղթել էր Ռումինիան ներկայացնող Ադրիան Ֆլորին Պրեդային:
