«Ռոսիա 1» հեռուստաալիքի եթերում բժիշկ և հեռուստահաղորդավար Ալեքսանդր Մյասնիկովը հայտարարել է, որ շնչառական սինցիտիալ վիրուսը լուրջ սպառնալիք է ներկայացնում թոքերի համար և հաճախ պահանջում է հոսպիտալացում։
«Դա բրոնխիոլիտի թիվ մեկ պատճառն է։ Այն թոքաբորբի և ստորին շնչուղիների բորբոքման հոսպիտալացման երրորդ ամենատարածված պատճառն է՝ գրիպից և կորոնավիրուսից հետո։ Սակայն այն ավելի ծանր և վտանգավոր է։ Այն ավելի վտանգավոր է, քան թե՛ կորոնավիրուսը, թե՛ գրիպը», - ընդգծել է նա։
Մյասնիկովը նշել է, որ այս վարակով հիվանդները հաճախ կարիք ունեն վերակենդանացման բաժանմունք տեղափոխվելու. մահացության մակարդակը հասնում է 7-10%-ի։
Վիրուսը փոխանցվում է օդակաթիլային ճանապարհով և մի քանի ժամ մնում է վարակիչ մակերեսների վրա։ Վարակի ռիսկը նվազեցնելու համար նա խորհուրդ է տվել պարբերաբար լվանալ ձեռքերը և օգտագործել պաշտպանիչ միջոցներ, ինչպիսիք են դիմակները։