Բալն ամենահամեղ ու օգտակար մրգերից է, սակայն մարդիկ ոչ միշտ են պատշաճ ուշադրություն դարձնում այս մթերքին: Այնուամենայնիվ, բալն օժտված է բազմաթիվ օգտակար հատկություններով, որոնք մասին ոչ բոլորը գիտեն:
Ձեր ուշադրությանն ենք ներկայացնում 7 պատճառ հաճախ բալ ուտելու համար:
Հարուստ է հակաօքսիդանտներով
Բալը հակաօքսիդանտների ու հակաբորբոքային ազդեցությամբ օժտված բաղադրիչների հարուստ աղբյուր է: Այդ նյութերը դանդաղեցնում են ծերացման գործընթացն ու պաշտպանում են քրոնիկ հիվանդություններից, այդ թվում նաև սրտանոթային հիվանդություններից, շաքարային դիաբետից, ուռուցքներից, ծերունական թուլամտությունից ու ճարպակալումից:
Պաշտպանում է շաքարային դիաբետից
Իր հակաբորբոքային ազդեցության շնորհիվ բալը պահպանում է ամբողջ օրգանիզմի առողջությունը: Բացի այդ, այն ունի շատ ցածր գլիկեմիկ ինդեքս, ուստի չի նպաստում արյան մեջ շաքարի մակարդակի բարձրացմանը: Սա է պատճառը, որ բալը լավագույն բաղադրիչն է շաքարային դիաբետից պաշտպանվելու համար:
Ապահովում է առողջ քուն
Բալը համարվում է մելատոնին հորմոնի բնական աղբյուրներից մեկը, իսկ այս հորմոնն ապահովում է առողջ քունը: Հետազոտություները ցույց են տվել, որ քնելուց երկու ժամ առաջ բալի հյութ խմելն ավելացնում է քնի տևողությունը 1 ժամ 24 րոպեով:
Պաշտպանում է արթրիտից
Հետազոտությունները ցույց են տվել, որ բալի գործածությունը շատ օգտակար է օստեոարթրիտի դեպքում: Պարբերաբար բալ ուտելը կամ բալի բնական հյութ խմելն օգնում է մեղմել հոդացավերը:
Նվազեցնում է հոդատապի զարգացման հավանականությունը
Հոդատապը հոդերի բորբոքային հիվանդություն է, որն առաջանում է հոդերում միզաթթվի բյուրեղների կուտակման հետևանքով: Գիտափորձը ցույց է տվել, որ երկու օր բալ օգտագործելու դեպքում կարելի է նվազեցնել հոդատապի ցավոտ նոպաները 35%-ով:
Նվազեցնում է խոլեստերինի մակարդակը
Գիտնականները պարզել են, որ բալի հյութի գործածությունը նվազեցնում է խոլեստերինի ընդհանուր ցուցանիշները, այդ թվում նաև «վատ» խոլեստերինի մակարդակը: Միևնույն ժամանակ խոլեստերինի մակարդակն ընդամենը 1%-ով նվազեցնելն օգնում է 2%-ով նվազեցնել նաև սրտի հիվանդությունների հավանականությունը:
Մեղմում է ցավը մարզումներից հետո
Բալը հիանալի մթերք է հաճախ մարզվող մարդկանց համար: Այն օգնում է արդյունավետ կերպով մեղմել ցավոտ զգացողությունները գերինտենսիվ մարզումներից հետո:
Ինֆեկցիաներ և ցածր իմունային համակարգ
Բացի նրանից, որ հակաօքսիդանտները պաշտպանում են մեր օրգանիզմն ազատ ռադիկալներից, վիտամին C-ն, կարոտենոիդները և ֆլավոնոիդները բարձրացնում են իմունային համակարգը և պաշտպանում օրգանիզմը բակտերային, սնկային և վիրուսային ինֆեկցիաներից` մասնավորապես հաստ աղիի, միզուղիների տրակտի, աղիների ինֆեկցիաներից: Այս հակաօքսիդանտները պաշտպանում են գրիպից, բուժում են մրսածությունը և հազը:
Աչքերի խնամք
Բալի մեջ առկա հակաօքսիդանտները պաշտպանում են աչքերն ազատ ռադիկալների վնասից, տեսողության վատթարացումից, մակուլադեգեներացիայից, աչքերի չորությունից: Այս հակաօքսիդանտները հանգստացնում են աչքերը, նվազեցնում բորբոքվածությունը, կարգավորում աչքի ճնշումը և պաշտպանում աչքերն ինֆեկցիաներից:
Ուղեղի ֆունկցիա և նյարդային համակարգ
Բալի մեջ առկա ֆլավոնոիդները և կարոտենոիդները բարելավում են ուղեղի աշխատանքը, լավացնում հիշողությունը և ապահովում ուղեղի ակտիվությունը: Հայտնի է, որ տարիքի հետ ազատ ռադիկալները դանդաղեցնում են ուղեղի աշխատանքը: Ովքեր չեն ցանկանում մեծ տարիքում ունենալ վատ հիշողություն և ուղեղի աշխատանքի դանդաղեցում, նրանց խորհուրդ է տրվում սննդակարգում ներառել բալ: Բալի մեջ առկա հակաօքսիդանտներն արդյունավետ են Ալցհեյմերի, Պարկինսոնի հիվանդության, դեպրեսիայի, հիասթափության, սթրեսի բուժման համար:
Փորկապություն և մարսողություն
Բալի մանրաթելը թեթևացնում է փորկապությունը, իսկ նրա թթուները նպաստում են մարսողության կարգավորմանը: Ֆլավոնոիդներն առաջացնում են մարսողական հյութ, որն էլ իր հերթին՝ ներծծում է սննդարար նյութերը:
Բալի սպառումը կարող է բացասաբար ազդել նրանց ինքնազգացողության վրա, ովքեր տառապում են աղիքային հիվանդությամբ: Պետք է շատ զգույշ լինեն հատկապես նրանք, ովքեր ունեն խոց, գաստրիտ: Այս մրգով չպետք է գայթակղվեն նրանք, ովքեր ունեն շաքարային դիաբետ: