Աճուրդին առանձնահատուկ պահանջարկ ունեցող 48 համարանիշներից վաճառվել է 7-ը․ ՆԳՆ մամուլի քարտուղար

ՀՀ ներքին գործերի նախարարի մամուլի քարտուղար Նարեկ Սարգսյանն իր ֆեյսբուքյան էջում գրել է․

«Տրանսպորտային միջոցների հաշվառման առանձնահատուկ պահանջարկ ունեցող համարանիշների աճուրդը սկսվել է 23.02.2024 թվականին ժամը 12։00-ին և ավարտվել 28.02.2024 թվականին ժամը 12։52-ին։

Աճուրդին մասնակցել է 10 անձ, իսկ ներկայացված հաշվառման առանձնահատուկ պահանջարկ ունեցող 48 համարանիշներից վաճառվել է 7-ը։

Լոտի օգտագործման իրավունքի ձեռք բերման արժեքը նշված 7 համարանիշերով կազմել է 156.200.000 դրամ»։