Հրապարակվել է ՀՀ սահմանը հատած ադրբեջանցի զինծառայողի լուսանկարը

Հրապարակվել է ՀՀ սահմանը հատած ադրբեջանցի զինծառայողի լուսանկարը

Ադրբեջանական լրատվամիջոցները հրապարակել են հայկական զինուժի կողմից բերման ենթարկված ադրբեջանցի դիվերսանտի լուսանկարը, ով այս գիշեր ներթափանցել է Սյունիքի մարզի Տեղ համայնքի տարածք։

Այսօր առավոտյան գրել էինք, որ Սյունիքի մարզի Տեղ համայնք են ներխուժել երկու ադրբեջանցիներ, որոնցից մեկին հայկական կողմը բռնել է, մյուսը կարողացել է փախուստի դիմել։

ԱԱԾ պաշտոնական հաղորդագրությունից տեղեկանում ենք, որ փետրվարի 28-ին՝ ժամը 05:15-ի սահմաններում, Սյունիքի մարզի Տեղ համայնքի սահմանային հատվածում հայ-ադրբեջանական շփման գիծը հատել է ադրբեջանական զինված ուժերի զինծառայող, ով զինված է եղել ԱԿՄ տիպի ինքնաձիգով ու 1 պահատուփով:

Վերջինս վնասազերծվել է ՊՆ զինծառայողների կողմից: Դեպքի կապակցությամբ ՀՀ քննչական կոմիտեում նախաձեռնվել է քրեական վարույթ ՀՀ քրեական օրենսգրքի համապատասխան հոդվածներով:

Նախաքննությունը շարունակվում է: