Բուռն ցանկություն ունեն Գարիկ Գալեյանին ձերբակալելու: Տեսնենք դատավորն ով է, շատ բան դատավորից է կախված: Այս մասին լրագրողների հետ ճեպազրույցում ասաց Գարիկ Գալեյանի փաստաբան Վահան Հովհաննիսյանը:
Նրա խոսքով, Գալեյանի ձերբակալությունն ակնհայտ քաղաքական պատվեր է, այդ ամենը սկսվել է այն ժամանակ, երբ զոհված զինծառայողների ծնողները միացել են «ՀայաՔվե»-ին և հայտարարել, որ սատարելու են «Մայր Հայաստան» դաշինքին:
Ավելի վաղ տեղեկացրել էինք, որ 44-օրյա պատերազմում զոհված Մխիթար Գալեյանի հայրը` Գարիկ Գալեյանը, երեկ գիշերը ձերբակալվել է: Առավոտվանից նրան Քննչական կոմիտեում հարցաքննում էին:
Ինչպես ավելի վաղ մեզ հայտնել էր նրա ընկերը, Գալեյանին ձերբակալել են մեքենայում զենք պահելու և կրելու կասկածանքով, սակայն զենք իր մոտ չեն գտել: