Այսօր Բրյուսելում, ԵՄ ընդարձակումից զատ, կքննարկվի նաև Ուկրաինային ռազմական օգնության տրամադրման հարցը
Այսօր Բրյուսելում հավաքվում են Եվրոպական միության 27 երկրների ներկայացուցիչները, որտեղ, ամենայն հավանականությամբ, Ուկրաինան ԵՄ անդամի թեկնածու լինելու կարգավիճակ կստանա: Դեռ երեկ Եվրամիության բարձրաստիճան պաշտոնյաներից մեկը հայտնել էր, որ Եվրամիության առաջնորդները Եվրոպական հանձնաժողովին կխնդրեն ավելի ուշ վերադառնալ Վրաստանի հետ կապված հարցին`պայմանով, որ այդ երկիրը կատարի անհրաժեշտ պայմանները: Եվրամիության ընդարձակումից զատ, օրակարգում կլինի Ուկրաինային ռազմական օգնության տրամադրումը և պարենի ճգնաժամը, մասնավորապես, Ուկրաինայի նավահանգիստներից ցորենը դուրս բերելու հնարավորությունը: Բացի այդ, ԵՄ առաջնորդները կքննարկեն էներգետիկայի ու, մասնավորապես, գազի մատակարարման հետ կապված հարցեր:
