Վենետիկի մուտքն այժմ տոմսերով է. ինտերնետում բացվել է գրանցման էջ
Նախօրեին համացանցում բացվեց գրանցման էջը, որտեղ կարող եք նախապես ամրագրել մուտքը Վենետիկ, Իտալիա: Տոմսերի պարտադիր գնումը կգործի 2024 թվականի ապրիլի 25-ից, սակայն առայժմ փորձնական հիմունքներով։
Հինգ լեզվով կայքը և սմարթֆոնի հավելվածը թույլ են տալիս նախապես ամրագրել ձեր մուտքը Վենետիկ: Պետք է նախապես գրանցվել, թե որ օրն է այցելուն ցանկանում մտնել Իտալիայի «ծովային մայրաքաղաք»։ Տոմսերի ձեռքբերման դեպքում նախապես ամրագրումը հաստատվում է շտրիխ կոդով: Անցումային համակարգերից մեկը տեղադրված է Վենետիկի Սանտա Լուչիա երկաթուղային կայարանում։
Ընտրելու մի քանի տարբերակներ կան՝ կախված նրանից, թե որքան ժամանակ եք ցանկանում մնալ Վենետիկում, արդյոք ցանկանում եք ճանապարհորդել ոտքով, թե հասարակական տրանսպորտով, և ինչ եք ուզում տեսնել քաղաքի բազմաթիվ տեսարժան վայրերից: Մեկ օրվա հիմնական մուտքի տոմսն արժե 5 եվրո մեկ անձի համար և պարտադիր կլինի 14 տարեկան և ավելի բարձր տարիքի իտալացիների և օտարերկրացիների համար: Հնարավոր է նաև պատվիրել էքսկուրսիոն փաթեթ, որը ներառում է հիմնական զբոսաշրջային վայրերի մուտքի տոմսեր՝ 49 եվրոյից սկսած՝ կախված ընտրված վայրերի քանակից:
