Գարունը բնության զարթոնքի ժամանակն է, բայց ասթմայով տառապողների համար այն նաև դժվարին փորձություն է։ Հենց այս սեզոնին է, որ բույսերի ակտիվ ծաղկման պատճառով շատ հիվանդների մոտ սրվում են ալերգիկ ռինիտը և բրոնխիալ ասթման, ասել է մանկաբույժ, թոքաբան Պավել Բերեժանսկին «Գազետա»-ին։
«Ասթման քրոնիկ ալերգիկ հիվանդություն է», - բացատրել է բժիշկը։
«Եթե խոսքը բրոնխիալ ասթմայի մասին է, ապա դրա գրգռիչները ամենից հաճախ ալերգեններն են։ Գարունը ծաղկման շրջան է այնպիսի բույսերի համար, ինչպիսիք են կեչին, լաստենին և ընկույզը։ Դրանց ծաղկափոշին շատ հիվանդների մոտ սրացումներ է առաջացնում»,- նշել է մասնագետը։
Բացի այդ, գարունը այն ժամանակահատվածն է, երբ ձյունը հալվում է, և օդ են բարձրանում կեղտի, սնկերի և ձմռանը օգտագործվող ռեակտիվների մասնիկները։ Այս ամենը կարող է նաև նպաստել վիճակի վատթարացմանը և շնչառական ուղիների գրգռմանը։
Ասթմատիկների մեծ մասի մոտ հիվանդությունը զարգանում է աստիճանաբար՝ սկսելով այլ ալերգիկ դրսևորումներից։
«Աստմայով հիվանդների ավելի քան 70-80%-ը անցնում է այսպես կոչված ատոպիկ մարշի միջով», - նշել է փորձագետը։