Ինչ խնդրի հետևանք է ոտքերի երակների այս փոփոխությունը և ինչ անել․ խոսել է բժիշկը
Եթե ոտքերի երակների կանոնավոր այտուց և ուռացվածություն է նկատվում, պետք է անհապաղ դիմել բժշկի։ Ասել է առաջատար անգիոլոգ և ֆլեբոլոգ, բժշկական գիտությունների դոկտոր Տատյանա Ալեքպերովան։
Лента.ру-ի հետ զրույցում նա պատմել է ոտքերի երակների այս փոփոխության համար մասնագետի շտապ դիմելու պատճառի մասին։
Բժշկի խոսքով՝ վերջույթների երակների հիվանդության տագնապալի ախտանշաններն են մաշկի վրա կապույտ կամ կարմիր անոթային նախշերի ի հայտ գալը, ոտքերի ուռուցիկ, ոլորուն, հանգուցավոր երակները, որոնք ցավում են կամ զգայուն են հատկապես դիպչելիս։
Բժշկի հետ խորհրդակցելու պատճառ են նաև ոտքերի ցավը, ծանրությունը և անհանգստությունը քայլելիս, այտուցը ուշ կեսօրին, ոտքերի մկաններում հանկարծակի ջերմության զգացումը դիրքը փոխելուց հետո, մկանային սպազմերը կամ ջղաձգումները: «Վատ բուժվող մանր վերքերը, շոգն ու ոտքերի քորոցը նույնպես ազդանշան են տալիս որոշակի պաթոլոգիաների զարգացման մասին»,- ընդգծել է բժշկական գիտությունների դոկտորը։
«Երակային հիվանդությունների զարգացման վտանգի տակ են ավելորդ քաշ ունեցողները, սակավաշարժ ու նստակյաց կենսակերպ վարողները, կշիռներ բարձրացնող մարզիկները, կիպ բարձրակրունկ կոշիկների սիրահարները, վատ սովորություններ ունեցող մարդիկ, ինչպես նաև հղիության վերջում գտնվող կանայք»,- պարզաբանել է Տատյանա Ալեքպերովան։
Երակային հիվանդությունների զարգացումից խուսափելու համար անհրաժեշտ է պարբերաբար զբաղվել հնարավոր ֆիզիկական ակտիվությամբ, օրինակ՝ երկար զբոսանքներով։ Բժշկի խոսքով՝ օգտակար կլինի նաեւ աղի ընդունման նվազեցումն ու քաշի վերահսկումը։
«Նրանք, ովքեր ստիպված են աշխատավայրում երկար նստել կամ կանգնել, պետք է ընդմիջումներ անեն ու հնարավորության դեպքում հանգստանան՝ ոտքերը վեր պահելով»,- խորհուրդ է տվել բժիշկը։
