Կրծքագեղձի վնասվածքները կարո՞ղ են քաղցկեղի հանգեցնել․ պատասխանում է բժիշկը

Հարցը «Ինչպե՞ս (և արդյո՞ք) կրծքի վնասվածքն ազդում է կրծքագեղձի քաղցկեղի հետագա զարգացման վրա», երկար տարիներ քննարկվում է բժշկական հանրությունում։

Պատասխանները շատ տարբեր են՝ «միանշանակ այո»-ից մինչև «հավանաբար ոչ»: Այս մասին Gazeta.Ru-ի հետ զրույցում իր կարծիքն է հայտնել SM-Clinic ուռուցքաբանական կենտրոնի ղեկավար, բ.գ.թ., պրոֆեսորԱլեքսանդր Սերյակովը։

«Կան կրծքագեղձի քաղցկեղի զարգացման մի քանի հիմնական ռիսկային գործոններ, որոնք ճանաչված են համաշխարհային ուռուցքաբանական հանրության կողմից: Սա գենետիկ նախատրամադրվածություն է (կրծքագեղձի և ձվարանների քաղցկեղ հրահրող անտիգենների առկայություն, BRCA 1/BRCA և մի շարք ուրիշներ), վատ սովորություններ, կնոջ կողմից ծննդաբերության և աբորտների բացակայություն, ավելորդ քաշ և վատ սնուցում, ինչպես նաև նստակյացություն: Այս բոլոր գործոններն ունեն որոշակի բացասական նշանակություն։ Եթե ​​խոսենք կրծքավանդակի վնասվածքների մասին՝ որպես ռիսկի գործոն, ապա դրանցից պետք է բացառել պատահականները. օրինակ՝ տրանսպորտում կնոջը անզգուշաբար արմունկով հարվածել են, կամ մեքենան արգելակելիս աղջիկը հարվածել է կրծքավանդակին»,- նշել է Սերյակովը։ 

Նման վնասվածքները, պարզաբանում է ուռուցքաբանը, թեև չեն կարող հանգեցնել կրծքագեղձի քաղցկեղի զարգացման, բայց կարևոր դեր են խաղում՝ ստիպում են կնոջը ուշադրություն դարձնել իր կրծքին։ Եվ հաճախ է պատահում, որ կրծքավանդակը զննելիս, վնասվածքի հետևանքով ստացված կապտուկի կողքին, կինը հայտնաբերում է, օրինակ, ինչ-որ գունդ, բայց դա նրան պետք է զգուշացնի։

«Իզուր չէ, որ մենք՝ բժիշկներս, անընդհատ խոսում ենք ինքնախտորոշման կարևորության մասին։ Ամիսը մեկ անգամ կինը պետք է անպայման զննի իր կուրծքը։ Ինչպես դա անել ճիշտ, կարող եք հարցնել թերապևտին կամ գինեկոլոգին, կամ պարզապես կարդալ ինտերնետում, այնտեղ բավականին մանրամասն հրահանգներ կան: Իհարկե, վնասվածքը դառնում է ակամա պատճառ կրծքավանդակը ուշադիր զննելու և հետագայում դա պարբերաբար անելու համար:Դե, եթե հետազոտության ընթացքում կինը հայտնաբերում է «խոց»՝ կրծքագեղձի կամ թեւատակերի թմբուկ, պտուկներից տարօրինակ արտահոսք,  և այլ ոչ բնորոշ նշաններ, նա պետք է հնարավորինս շուտ դիմի մամոլոգին»,զգուշացրել է բժիշկը։

«Եվ եթե պատահական, մեկուսացված վնասվածքները սարսափելի չեն, ապա կրծքավանդակի քրոնիկական վնասվածքներն արդեն անհանգստության շատ լուրջ պատճառ են», - ընդգծել է Սերյակովը։

Կրծքագեղձի քրոնիկ վնասվածքը (օրինակ՝ ամուր կրծկալի կամ վերևի մաշկը քսելու հետևանքով, պրիսինգը, որը երբեմն բորբոքում է հրահրում, որը վտանգավոր է։