Այսօր մեկնարկել է ԱԺ հերթական քառօրյան, որին, սակայն, խորհրդարանական ընդդիմությունը չի մասնակցում։ Այսօր առավոտյան նիստին գրանցվել է 61 պատգամավոր, իսկ նախագծերի քննարկման ժամանակ նրանց թիվը մոտ վեց անգամ նվազել է։

Այսպես, հիմա, երբ քննարկվում է «Վիճակագրական խաղերի մասին» օրենքում փոփոխություններ կատարելու մասին օրենքի նախագիծը, ԱԺ նիստերի դահլիճում առավելագույնը 10 պատգամավոր կար։ Այսօր, երբ ընդդիմությունը փողոցային պայքար է իրականացնում այս իշխանությանը հեռացնելու համար, ՔՊ-ն շարունակում է նիստերի դատարկ դահլիճում օրենքներ քննարկել և վերջում կողմ քվեարկել։

Խորհրդարանական երկրում այսպիսին է վերաբերմունքը օրենսդիր մարմնի նկատմամբ։