Չինաստանը տուգանքներ է սահմանել Alibaba եւ Tencent տեխնոլոգիական հսկաների, ինչպես նաեւ մի շարք այլ ընկերությունների նկատմամբ՝ գործարքների վերաբերյալ տեղեկատվության հրապարակման հակամենաշնորհային կանոնները չկատարելու համար, հայտնում է Reuters լրատվական գործակալությունը՝ հղում տալով երկրի կարգավորող մարմնին:

Շուկայի կարգավորման պետական ​​վարչությունը հրապարակել է 28 գործարքների ցանկ, որոնցում գրանցվել են կանոնների խախտումներ։ Դրանցից հինգը վերաբերում էին Alibaba-ի ստորաբաժանումներին, ներառյալ 2021 թվականին բաժնետոմսերի գնումը նրա դուստր ձեռնարկության՝ հոսքային հարթակի Youku Tudou-ում:

Tencent-ին են վերաբերել ցուցակի 12 գործարքներ։

Չինաստանի տեխնոլոգիական ոլորտը դարձել է մենաշնորհային պրակտիկայի դեմ պայքարի հիմնական թիրախներից մեկը, որը սկսվել է 2020 թվականի վերջին։

Հակամենաշնորհային օրենսդրության համաձայն՝ յուրաքանչյուր դեպքում առավելագույն հնարավոր տուգանքը կազմում է 74 688 դոլար: