Աշնանային տերևներով լուսանկարահանումները ռիսկային են առողջության համար, ռուսական «Ռադիո 1»-ի հետ զրույցում ասել է թերապևտ Նաֆիսեթ Խաչմաֆովան։
Մասնագետը բացատրել է, որ թափված տերևները հաճախ պարունակում են միկրոօրգանիզմներ, աղտոտիչներ և ալերգեններ։ Նա հավելել է, որ երբ տերևները նետվում են, դրանք օդ են արտանետում վտանգավոր աէրոզոլ, որը պարունակում է փոշի, սնկային սպորներ և մանրէներ, որոնք կարող են առաջացնել շնչառական գրգռում և ծանր ալերգիկ ռեակցիաներ։
Նաֆիսեթ Խաչմաֆովան ընդգծել է, որ հատկապես վտանգավոր է տերևներ հավաքել ճանապարհների և արդյունաբերական տարածքների մոտ, որտեղ դրանք կուտակում են ծանր մետաղներ, նավթամթերք, մուր և այլ տոքսիններ։ Այս նյութերը կարող են օրգանիզմ մտնել մաշկի կամ ներշնչման միջոցով։
Բժիշկը նշել է, որ թափված տերևները բորբոսի, սապրոֆիտների, տզերի և միջատների թրթուրների բազմացման վայր են, որոնք կարող են հանգեցնել մաշկի միկոզի, ալերգիկ դերմատիտի և բորբոքային բարդությունների թուլացած իմունային համակարգ ունեցող մարդկանց մոտ։
Ավելին, տերևները կարող են պարունակել մակաբույծներ և հարուցիչներ, որոնք առաջացնում են աղիքային վարակներ, հատկապես, եթե մոտակայքում զբոսանքի են հանվում կենդանիներ։