Բժիշկը զգուշացրել է մի բաժակ գինու թաքնված վտանգների մասին
Հանգստյան օրերին մեկ բաժակ գինի կամ մի բաժակ թունդ ըմպելիք խմելու սովորությունն ի վերջո կարող է վերածվել ալկոհոլիզմի։ Զգուշացրել է հոգեթերապևտ և հոգեբույժ Թիմուր Մութալիևը։
Այս սովորության թաքնված այլ վտանգների մասին բժիշկը զգուշացրել է Lenta.ru-ի հետ զրույցում։
Մութալիևի խոսքով՝ ալկոհոլ օգտագործելու սովորությունը, նույնիսկ փոքր քանակությամբ, կարող է էապես ազդել մարդու ֆիզիկական և հոգեկան առողջության վրա։ Հիմնական վտանգն այն է, որ այս սովորությունը կարող է դառնալ ալկոհոլային կախվածության ճանապարհի սկիզբը։
«Նույնիսկ եթե մարդն օրական փոքր քանակությամբ ալկոհոլ է խմում, դա կարող է հանգեցնել հանդուրժողականության՝ մի վիճակ, երբ նախորդ չափաբաժինը չի տալիս ցանկալի արդյունքը, և ավելի շատ ալկոհոլ է պահանջվում նույն հանգստի կամ հաճույք ստանալու համար»,- բացատրել է հոգեբույժը:
Բժիշկը կարծում է, որ եթե մարդը փոքր քանակությամբ խմում է ամեն օր կամ ամեն շաբաթ և կիրակի, դա ցույց է տալիս, որ նա սկսել է կախվածություն ձեռք բերել։ Նա ընդգծել է, որ կախվածությունը ոչ միայն ֆիզիկական կախվածություն է նյութի նկատմամբ, այլեւ դրա հոգեբանական անհրաժեշտությունը։
