Սո՞ւրճ, թե՞ գարեջուր․ բժիշկն ասել է, թե որ խմիչքն է ավելի վնասակար

Գաստրոէնտերոլոգի Յուլիա Տրոշկինան խոսել է այն մասին, թե որ ըմպելիքն է ավելի շատ վնասում օրգանիզմին՝ սո՞ւրճը, թե՞ գարեջուրը։

Բժշկի խոսքով՝ սուրճն ու գարեջուրը բազմակողմանի ազդեցություն են ունենում մարդու վրա։

«Գարեջուրն ու սուրճը երկու տարբեր ապրանքներ են։ Սուրճն ավելի շատ տոնիկ ըմպելիք է: Գարեջուրը երբեք տոնիկ չէ: Բացի այդ, կան գիտականորեն ապացուցված փաստեր, որ սուրճը օրական 5 բաժակի չափով ունի լյարդի պաշտպանիչ ազդեցություն։ Մինչդեռ գարեջուրը վնասում է լյարդը»,- ասել է Յուլիա Տրոշկինան։

Հիվանդանոցի գաստրոէնտերոլոգիայի բաժանմունքի ղեկավարը նախազգուշացրել է փրփուրային ըմպելիքի չափից ավելի օգտագործման մասին։

«Որպես կանոն, սպառած ալկոհոլի քանակությունը նշելիս մարդն ասում է, որ ամեն օր կարող է իրեն թույլ տալ մեկուկես, նույնիսկ երեք լիտր գարեջուր։ Ալկոհոլի հեպատոտոքսիկ չափաբաժինը տղամարդկանց համար տատանվում է 40-ից 80 գրամ: Սրանք մոտավորապես 800 - 1600 մլ ցածր ալկոհոլային փրփուրային ըմպելիքն են: Եթե ​​խոսքը կանանց մասին է, ապա այս չափաբաժինը 2 անգամ պակաս է՝ 400 - 800 մլ»։

Գաստրոէնտերոլոգը հավելել է, որ գարեջուրը շատ կալորիական է, ուստի բավականին դժվար է խոսել օրգանիզմի օգուտների մասին։