Մոսկվայի և Փարիզի հարաբերությունները գտնվում են ամենացածր կետում․ Լավրովը՝ Դուրովի ձերբակալության մասին (տեսանյութ)
Ռուսաստանի և Ֆրանսիայի միջև հարաբերությունները գտնվում են ամենացածր կետում։ Հայտարարել է ՌԴ ԱԳ նախարար Սերգեյ Լավրովը Եմենի իր գործընկերոջ հետ բանակցություններից հետո կայացած մամուլի ասուլիսում։
«Մոսկվայի և Փարիզի հարաբերությունները գտնվում են ամենացածր կետում, այդ թվում՝ այն դիրքորոշման պատճառով, որ Փարիզը որդեգրում է խոսքի ազատության, տեղեկատվության տարածման ազատության և, ընդհանրապես, լրագրողների մասնագիտությունը հարգելու հարցերում»,- ասել է Սերգեյ Լավրովը՝ մեկնաբանելով Telegram-ի համահիմնադիր Պավել Դուրովի կալանավորումը։
Արտգործնախարարը հիշեցրել է նաև, որ Ելիսեյան պալատը, դեռևս Ուկրաինայում ռազմական գործողությունների մեկնարկից առաջ, հրաժարվել է հավատարմագրվել RT հեռուստաալիքին և Sputnik գործակալությանը։
«ԱՄԷ-ն և Ռուսաստանի Դաշնությունը զբաղվում են Պավել Դուրովին հասանելիություն ձեռք բերելու գործով, Ռուսաստանի Դաշնությունը նույնպես գրություն է ուղարկել»,- հայտարարել է Սերգեյ Լավրովը։
«Telegram հարթակը լավ պաշտպանված է, հիմա պարզ դարձավ»,- ընդգծել է դիվանագետը:
Տեսանյութն այստեղ
Եվ երկու տեսանյութ այստեղ
